பாடம் : 23 (அல்லாஹ் கூறுகின்றான்:) (இந்தச் சந்தர்ப்பத்தில்) ஃபிர்அவ்னு டைய குடும்பத்தைச் சேர்ந்தலி தம் (இறை)நம்பிக்கையை மறைத்து வைத்தி ருந்த இறைநம்பிக்கையாளர் ஒருவர் கூறலானார்: ஒரு மனிதர், ‘அல்லாஹ்தான் என் இறைவன்’ என்று கூறுகின்றார் என்பதற் காகவா அவரை நீங்கள் கொன்று விடுவீர்கள்? அவரோ உங்களுடைய இறைவனின் சார்பிலிருந்து உங்களிடம் தெளிவான சான்றுகளைக் கொண்டுவந் திருக்கிறார். அவர் பொய்யராயிருந்தால், அவருடைய பொய் அவருக்கே கேடாக அமையும். ஆனால், அவர் உண்மையாளராயிருந்தால், எந்த பயங்கர மான விளைவுகளைக் குறித்து அவர் உங்களை எச்சரிக்கை செய்கிறாரோ, அவற்றில் சில அவசியம் உங்களைத் தாக்கவே செய்யும். எவன் வரம்பு மீறுபவனாகவும் பெரும் பொய்யனாகவும் இருக்கின்றானோ அவனுக்கு அல்லாஹ் நல்வழி காட்டுவதில்லை. (40:28) பாடம் : 24 உயர்ந்தோன் அல்லாஹ் கூறுகின்றான்: மேலும், (நபியே!) மூசாவின் செய்தி உமக்கு எட்டியதா? அவர் நெருப்பைக் கண்டபோது தம்முடைய குடும்பத்தாரிடம் கூறினார்: கொஞ்சம் இருங்கள்; நான் நெருப்பைக் காண்கிறேன். அதிலிருந்து ஒரு கொள்ளியை உங்களுக்கு நான் கொண்டுவரக்கூடும்; அல்லது அந்த நெருப்பிற்கு அருகில் (பாதையை அறிந்துகொள்ள) ஏதாவது ஒரு வழிகாட்டல் எனக்குக் கிடைக்கக்கூடும். அங்கு சென்றதும் அவர் உரக்க அழைக்கப்பட்டார்: மூசாவே! நானே உங்க ளுடைய இறைவன். உம்முடைய காலணிகளைக் கழற்றிவிடுவீராக! நிச்சயமாக, நீர் யிதுவா’ எனும் புனிதமான பள்ளத்தாக்கில் இருக்கிறீர். (20:9லி12) நிச்சயமாக அல்லாஹ் மூசாவுடன் (நேரடியாக) உரையாடினான். (4:164)
3397. இப்னு அப்பாஸ் (ரலி) அவர்கள் கூறியதாவது:

நபி (ஸல்) அவர்கள் மதீனா நகருக்கு வந்தபோது யூதர்கள் ஒரு நாளில் நோன்பு நோற்பதைக் கண்டார்கள் லி அதாவது ஆஷூராவுடைய (முஹர்ரம் 10ஆவது) நாளில் (யூதர்கள்) நோன்பு நோற்றுவந்ததை இப்னு அப்பாஸ் (ரலி) அவர்கள் குறிப்பிடுகிறார்கள்லி யூதர்கள், ‘‘இது மாபெரும் நாள். மூசா (அலை) அவர்களை இந்த நாளில்தான் அல்லாஹ் காப்பாற்றினான்; ஃபிர்அவ்னின் கூட்டத்தாரை (கடலில்) மூழ்கடித்தான். ஆகவே, மூசா (அலை) அவர்கள் அல்லாஹ்வுக்கு நன்றி செலுத்தும் விதத்தில் நோன்பு நோற்றார்கள்” என்று சொன்னார்கள்.

நபி (ஸல்) அவர்கள், ‘‘நான் அவர்களைவிட மூசா அவர்களுக்கு மிக நெருக்கமானவன்” என்று கூறிவிட்டு, அந்த நாளில் தாமும் நோன்பு நோற்று, தம் தோழர்களுக்கும் (கூடுதலான) நோன்பு நோற்கும்படி ஆணையிட்டார்கள்.76

அத்தியாயம் : 60

பாடம் : 25 உயர்ந்தோன் அல்லாஹ் கூறுகின் றான்: (சினாய் மலைக்கு வந்து யிதவ்ராத்’ வேதத்தைப் பெற்றுச்செல்வதற்காக) மூசாவுக்கு நாம் முப்பது இரவுகளை வாக்களித்தோம். பின்னர் பத்தைச் சேர்த்து அவற்றை (நாற்பதாக) நிறைவு செய்தோம். எனவே, அவருடைய இறைவன் நிர்ண யித்த கால அளவு மொத்தம் நாற்பது இரவுகளானது. அப்போது மூசா, தம் சகோதரர் ஹாரூனிடம், ‘‘நீர் என் சமுதாயத் தாரிடையே எனக்குப் பதிலாக இருந்து சீர்திருத்தம் செய்வீராக; குழப்பம் விளைவிப்போரின் வழியைப் பின்பற்றி விடாதீர்” என்று கூறினார். நாம் குறிப்பிட்டிருந்த இடத்திற்கு மூசா வந்ததும் அவருடைய இறைவன் அவருடன் உரையாடியபோது, ‘‘என் இறைவா! எனக்கு நீ காட்சியளிப்பாயாக; நான் உன்னைப் பார்த்துக்கொள்கிறேன்” என்று கூறினார். அதற்கு அல்லாஹ், ‘‘நீர் ஒருபோதும் என்னைப் பார்க்க முடியாது; எனினும், இந்த மலையைப் பார்ப்பீராக; அது அதன் இடத்தில் நிலையாக இருந்தால் நீர் என்னைப் பார்க்கலாம்” என்று கூறினான். பின்னர் அவருடைய இறைவன் அந்த மலையில் தோன்றியபோது, அதைத் தவிடுபொடியாக்கினான். அப்போது மூசா மூர்ச்சையாகிக் கீழே சரிந்தார். பின்னர் அவர் (மூர்ச்சை) தெளிந்(து எழுந்)தபோது, ‘‘(இறைவா!) நீ தூயவன்; உன்னிடம் நான் மன்னிப்புக் கோருகிறேன்; நம்பிக்கை கொண்டோரில் நான் முதல் ஆளாவேன்” என்று கூறினார். (7:142,143) (மேலும், அல்லாஹ் கூறுகின்றான்:) பின்னர் அவருடைய இறைவன் அந்த மலையில் தோன்றியபோது, அதைத் தவிடுபொடியாக்கினான் (தக்கன்). (7:143) இதில் யிதக்’ என்பதற்கு ‘அதிரவைத்தல்’ என்பது பொருள். மற்றோர் வசனத்தில், ‘‘பூமியும் மலைகளும் தூக்கப்பட்டு ஒரேயடியாகத் தூள் தூளாக்கப்படும்” (69:14) என்று அல்லாஹ் கூறுகின்றான். அதாவது மலைகள் தகர்க்கப்பட்டு ஒன்றுபோல் ஆக்கப்படும். ‘‘வானங்களும் பூமியும் ஒன்றாக இணைந்திருந்த”’ (21:30) என்று அல்லாஹ் கூறுகின்றான். அதாவது ஒன்றோடு ஒன்று ஒட்டியிருந்தன. இங்கு மூலத்தில் பன்மையைக் குறிக்கும் வகையில் யிகுன்ன ரத்கன்’ என்று குறிப்பிட வில்லை; யிகானத்தா’ என்று (வானங்கள், பூமி) இருமையாகவே வந்துள்ளது. காளைக் கன்றின் மீதான பக்தி அவர்களின் உள்ளங்களில் ஊட்டப்பட்டது (உஷ்ரிபூ). (2:93) சாயமிடப்பட்ட துணிக்கு ‘(முஷர்ரப்’ என்பர். (கலந்துபோனது என்பது கருத்து.) இப்னு அப்பாஸ் (ரலி) அவர்கள் கூறினார்கள்: அதிலிருந்து பன்னிரண்டு நீரூற்றுகள் பீறிட்டன (இன்பஜசத்) லிஅதாவது பொங்கினலி (7:160) அவர்களுக்குமேல் மலையை நாம் உயர்த்தினோம் (நதக்னா). (7:171)
3399. நபி (ஸல்) அவர்கள் கூறினார்கள்:

இஸ்ரவேலர்கள் மட்டும் இருந்திரா விட்டால் இறைச்சி துர்நாற்றமெடுக்காது. ஹவ்வா (ஏவாள்) அவர்கள் மட்டும் இருந்திராவிட்டால் பெண், தன் கணவனை எக்காலத்திலும் (ஆசையூட்டி) ஏமாற்ற மாட்டாள்.

இதை அபூஹுரைரா (ரலி) அவர்கள் அறிவிக்கிறார்கள்.78

அத்தியாயம் : 60

பாடம் : 26 யிதூஃபான்' என்பது பெரு வெள்ள மாகும். தொடர் இறப்புக்கும் யிதூஃபான்’ என்பர். அல்லாஹ் கூறுகின்றான்: எனவே, நாம் அவர்கள்மீது வெள்ளம் (தூஃபான்), வெட்டுக்கிளிகள், செடிப் பேன்கள் (கும்மல்), தவளைகள், இரத்தம் ஆகியவற்றைத் தெளிவான சான்றுகளாக அனுப்பினோம். (7:133) யிகும்மல்’ என்பது, உண்ணிகளைப் போன்ற பேன்களைக் குறிக்கும். அல்லாஹ்வின் மீது உண்மையைத் தவிர (வேறெதையும்) கூறாமலிருப்பதே எனக்கு ஏற்றதாகும் (ஹகீக்) என்று மூசா கூறினார். (7:104) கைசேதப்பட்டார்கள் (சுகித்த ஃபீ அய்தீஹிம்). (7:149) பாடம் : 27 மூசா (அலை) அவர்களை யிகளிர்' (அலை) அவர்கள் சந்தித்த நிகழ்ச்சி79
3401. சயீத் பின் ஜுபைர் (ரஹ்) அவர்கள் கூறியதாவது:

நான் இப்னு அப்பாஸ் (ரலி) அவர்களிடம், ‘‘நவ்ஃப் அல்பிக்காலீ என்பவர், யிகளிர்’ (அலை) அவர்களின் தோழரான மூசா (அலை) அவர்கள் இஸ்ரவேலர்களின் (இறைத்தூதரான) மூசா (அலை) அவர்கள் அல்லர்; அவர் வேறொரு மூசாதான் என்று கருதுகிறார்” என்று சொன்னேன். அதற்கு அவர்கள், ‘‘அல்லாஹ்வின் பகைவன் பொய் சொல்லிவிட்டான். உபை பின் கஅப் (ரலி) அவர்கள் நபி (ஸல்) அவர்களிடமிருந்து நமக்கு அறிவித்து உள்ளார்கள்:

(ஒருமுறை) மூசா (அலை) அவர்கள் இஸ்ரவேலர்களிடையே எழுந்து நின்று உரையாற்றினார்கள். அப்போது அவர்களிடம், ‘‘மக்களிடையே மிகவும் அறிந்தவர் யார்?” என்று கேட்கப்பட்டது. அதற்கு அவர்கள், ‘‘நான்தான்” என்று பதிலளித்துவிட்டார்கள். ஆகவே, அவர்களை அல்லாஹ் கண்டித்தான். ஏனெனில், மூசா (அலை) அவர்கள், ‘‘அல்லாஹ்வே அறிந்தவன்” என்று சொல்லாமல் விட்டுவிட்டார்கள்.

ஆகவே, அல்லாஹ், மூசா (அலை) அவர்களிடம், ‘‘இல்லை. இரு கடல்கள் சங்கமிக்கும் இடத்தில் என் அடியார் ஒருவர் இருக்கிறார். அவர் உங்களைவிட அதிகமாக அறிந்தவர்” என்று சொன்னான். மூசா (அலை) அவர்கள், ‘‘என் இறைவா! அவரை நான் சந்திப்பதற்கு யார் (வழி காட்டுவார்?)” என்று கேட்டார்.

லிஅறிவிப்பாளர் அலீ பின் அப்தில்லாஹ் அல்மதீனி (ரஹ்) அவர்கள் அறிவிக்கிறார்கள்: சுஃப்யான் பின் உயைனா (ரஹ்) அவர்கள், யிஇறைவா! அவரைச் சந்திப்பதற்கு எனக்கு வழி எப்படி?› என்று மூசா (அலை) அவர்கள் கேட்டதாகவும் சொல்லியிருக்கலாம்லி

அதற்கு அல்லாஹ், ‘‘நீங்கள் ஒரு மீனை எடுத்து அதை ஒரு (ஈச்சங்) கூடையில் போட்டுக்கொள்ளுங்கள். (அப்படியே கடற்கரையோரமாக நடந்து செல்லுங்கள்.) நீங்கள் எங்கே அந்த மீனைத் தவறவிடுகிறீர்களோ அங்கேதான் அவர் இருப்பார்” என்று சொன்னான். அதன்படியே மூசா (அலை) அவர்களும் அவர்களுடைய உதவியாளர் யூஷஉ பின் நூன் அவர்களும் ஒரு மீனை எடுத்துக் கூடையில் போட்டுக்கொண்டு நடந்தார்கள். அவர்கள் ஒரு பாறையருகே சென்று சேர்ந்தபோது அங்கே படுத்து ஓய்வெடுத்தார்கள்.

உடனே மூசா (அலை) அவர்கள் தூங்கிவிட்டார்கள். மீன் குதித்து வெளி யேறிக் கடலில் விழுந்தது. அது கடலில் (சுரங்கம்போல்) வழியமைத்துக்கொண்டு (செல்லத் தொடங்கி)விட்டது. மீனின் வழியில் குறுக்கிடாதவாறு நீரோட்டத்தை அல்லாஹ் தடுத்துவிட (மீனைச் சுற்றி) ஒரு வளையம்போல் தண்ணீர் ஆகி விட்டது. மீதமிருந்த இரவும் பகலும் அவர்கள் நடந்து சென்றுகொண்டே யிருந்தார்கள்.

இறுதியில், அடுத்த நாள் வந்தபோது தம் உதவியாளரை நோக்கி, ‘‘நமது காலைச் சிற்றுண்டியைக் கொண்டுவா! நாம் நமது இந்தப் பயணத்தால் மிகவும் களைப் படைந்துவிட்டோம்” என்று மூசா (அலை) அவர்கள் சொன்னார்கள். அல்லாஹ் கட்டளையிட்ட இடத்தை மூசா (அலை) அவர்கள் தாண்டிச் செல்லும்வரை அவர்களுக்குக் களைப்பு ஏற்படவில்லை. அவர்களின் உதவியாளர் அவர்களிடம், ‘‘நாம் அந்தப் பாறையில் ஓய்வெடுக்க தங்கினோமே, பார்த்தீர்களா? அங்கேதான் நான் மீனை மறந்து (தவற விட்டு)விட்டேன். (அதை நினைவில் வைத்திருக்காதபடி) ஷைத்தான்தான் எனக்கு அதை மறக் கடித்துவிட்டான். அது வியப்பான முறையில் கடலில் வழியமைத்துக்கொண்டு (சென்று)விட்டது” என்று சொன்னார்.

மீனுக்கு அது (தப்பிக்க) வழியாகவும், அவ்விருவருக்கும் அது வியப்பாகவும் அமைந்தது. மூசா (அலை) அவர்கள் அந்த உதவியாளரிடம், ‘‘அதுதான் நாம் தேடிக்கொண்டிருந்த இடம்” என்று சொன்னார்கள். உடனே அவர்கள் இருவரும் வந்த வழியே திரும்பிச் சென்றார்கள். இறுதியில், அந்தப் பாறையை அடைந்தார்கள். அங்கே ஒரு மனிதர் தம்மை முழுவதுமாக ஆடையால் போர்த்தியவராக (அமர்ந்து) இருந்தார். மூசா (அலை) அவர்கள் அவருக்கு சலாம் கூற, அம்மனிதர் அவர்களுக்குப் பதில் சலாம் சொன்னார்.

பிறகு, ‘‘உங்களுடைய (இந்தப்) பகுதி யில் (அறியப்படாத) சலாம் (உங்களுக்கு மட்டும்) எப்படி (வந்தது? நீங்கள் யார்?)” என்று களிர் வினவினார். மூசா (அலை) அவர்கள், ‘‘நான்தான் மூசா” என்று பதிலளித்தார்கள். அதற்கு அம்மனிதர், ‘‘இஸ்ரவேலர்களின் (இறைத்தூதரான) மூசாவா” என்று கேட்டார். மூசா (அலை) அவர்கள், ‘‘ஆம். உங்களுக்குக் கற்றுத் தரப்பட்டுள்ள அறிவிலிருந்து எனக்கும் (சிறிது) நீங்கள் கற்றுத்தருவதற்காக நான் உங்களிடம் வந்திருக்கின்றேன்” என்று சொன்னார்கள்.

அதற்கு அவர், ‘‘மூசாவே! அல்லாஹ் எனக்குக் கற்றுத்தந்த ஓர் அறிவு என்னி டம் உள்ளது. அதை நீங்கள் அறியமாட்டீர் கள்; அல்லாஹ் உங்களுக்குக் கற்றுத்தந்த ஒருவகை அறிவு உங்களிடம் உள்ளது. அதை நான் அறியமாட்டேன்” என்று சொன்னார்.

மூசா (அலை) அவர்கள், ‘‘நான் உங்க ளைத் தொடர்ந்து வரட்டுமா?” என்று கேட்டார்கள். அவர், ‘‘உங்களால் என்னுடன் பொறுமையாக இருக்க முடியாது. நீங்கள் அறியாத விஷயத்தை எப்படிச் சகித்துக்கொண்டிருப்பீர்கள்?” என்று கேட்டார். அதற்கு மூசா (அலை) அவர்கள், ‘‘இன்ஷா அல்லாஹ் (இறைவன் நாடினால்) நீங்கள் என்னைப் பொறுமையாளராகக் காண்பீர்கள். எந்த விவகாரத்திலும் உங்களுக்கு நான் மாறு செய்யமாட்டேன்” என்று சொன்னார்கள்.

பிறகு இருவரும் கடற்கரையோரத்தில் நடந்து சென்றார்கள். அப்போது மரக்கலம் ஒன்று அவர்களைக் கடந்து சென்றது. அதன் உரிமையாளர்(களான ஏழைத் தொழிலாளர்)களிடம் தங்களை ஏற்றிச்செல்லும்படி பேசினார்கள். அவர்கள் களிர் (அலை) அவர்களை அடையாளம் கண்டு அவர்களை வாடகை கேட்காமல் ஏற்றிச்சென்றார்கள்.

அவர்கள் இருவரும் மரக்கலம் ஏறியபோது சிட்டுக்குருவி ஒன்று வந்து மரக்கலத்தின் விளிம்பின் மீது விழுந்தது. பிறகு அது கடலில் (அலகால்) ஒரு முறை அல்லது இருமுறை கொத்தி (நீர் அருந்தி)யது. உடனே மூசா (அலை) அவர்களிடம் களிர் (அலை), ‘‘மூசாவே! இந்தச் சிட்டுக்குருவி தன் அலகால் (கொத்தி நீரருந்தியதால்) இந்தக் கடலிலிருந்து எவ்வளவு (நீரை) எடுத்திருக்குமோ அந்த அளவுதான் என் அறிவும் உங்கள் அறிவும் அல்லாஹ்வின் அறிவிலிருந்து கொடுக்கப்பட்டிருக்கிறது” என்று கூறி னார்கள்.

அப்போது கிள்ர் ஒரு கோடரியை எடுத்து மரக்கலத்தின் (அடித்தளப்) பலகை ஒன்றைக் கழற்றிவிட்டார்கள். களிர் (அலை) அவர்கள் வாய்ச்சியின் உதவி யால் (மரக்கலத்தின்) பலகையைக் கழற்றிய பின்புதான் மூசா (அலை) அவர்களுக்குத் தெரியவந்தது. உடனே மூசா (அலை) அவர்கள், ‘‘என்ன காரியம் செய்துவிட்டீர் கள்? வாடகை இல்லாமலே நம்மை ஏற்றி வந்தவர்களின் மரக்கலத்தை வேண்டு மென்றே ஓட்டையாக்கிவிட்டீர்களே! அதில் சவாரி செய்பவர்களை மூழ்கடிக் கவா (இப்படிச் செய்தீர்கள்)? நீங்கள் மிகப்பெரும் (கொடுஞ்)செயலைச் செய்து விட்டீர்கள்” என்று சொன்னார்கள்.

களிர் (அலை) அவர்கள், ‘‘உங்களால் என்னுடன் பொறுமையோடு இருக்க முடியாது என்று நான் உங்களுக்குச் சொல்லவில்லையா?” என்றார்கள். மூசா (அலை) அவர்கள், ‘‘நான் மறந்துவிட்டதை வைத்து என்னைத் தண்டித்து (போகச் சொல்லி)விடாதீர்கள். என் விஷயத்தில் கடுமையாக நடந்துகொள்ளாதீர்கள்” என்று சொன்னார்கள். ஆக, மூசா (அலை) அவர்கள் முதல் தடவையாகப் பொறுமை யிழந்தது அவர்கள் மறந்து போனதால்தான்.

(பிறகு) கடலிலிருந்து அவர்கள் வெளியேறியபோது சிறுவர்களுடன் விளையாடிக்கொண்டிருந்த ஒரு சிறுவனைக் கடந்து சென்றார்கள். களிர் (அலை) அவர்கள் அச்சிறுவனின் தலையைப் பிடித்து, தமது கையால் இப்படிப் பிடுங்கி (தனியே எடுத்து)விட்டார்கள்.

லிஇந்த இடத்தில் அறிவிப்பாளர் கஃப்யான் பின் உயைனா (ரஹ்) அவர்கள், தம் விரல்நுனிகளை எதையோ பறிப்பதைப்போல் காட்டி சைகை செய்தார்கள்லி

அப்போது மூசா (அலை) அவர்கள் களிர் (அலை) அவர்களிடம், ‘‘ஒரு பாவமும் அறியாத ஒரு (பச்சிளம்) உயிரை யல்லவா நீங்கள் கொன்றுவிட்டீர்கள்? அவன் வேறெந்த உயிரையும் பறிக்க வில்லையே? நீங்கள் மிகவும் தீய செயலைச் செய்துவிட்டீர்கள்” என்று கூறி னார்கள். அதற்கு களிர் (அலை) அவர்கள், ‘‘நீங்கள் என்னுடன் பொறுமையாக இருக்க முடியாது” என்று நான் (முன்பே) சொல்ல வில்லையா?” என்று சொன்னார்கள். மூசா (அலை) அவர்கள், ‘‘இதற்குப் பின்னால் நான் உங்களிடம் ஏதாவது (விளக்கம்) கேட்டால் என்னை உங்களுடன் வைத்தி ருக்காதீர்கள். என்னிடமிருந்து (பிரிந்து செல்ல) உங்களுக்குத் தக்க காரணம் கிடைத்துவிட்டது” என்றார்கள்.

மீண்டும் இருவரும் நடந்தார்கள். இறுதியில், ஓர் ஊருக்கு வந்தார்கள். அந்த ஊர் மக்களிடம் உணவு கேட்டார் கள். ஆனால், அவர்கள் அவ்விருவரையும் உபசரிக்க மறுத்துவிட்டார்கள். அந்த ஊரில் சாய்ந்தபடி கீழே விழலாமா என யோசித்துக்கொண்டிருந்த சுவர் ஒன்றை இருவரும் கண்டார்கள். (இதைக் கண்ட) உடனே களிர் (அலை) அவர்கள் (இந்தச் சுவரை நிலை நிறுத்துவோம் என்பதற்கு அடையாளமாக) தம் கையால் இப்படிச் சைகை செய்தார்கள்.

லிஅறிவிப்பாளர் சுஃப்யான் பின் உயைனா (ரஹ்) அவர்கள் மேலே ஏதோ ஒரு பொருளைத் தடவுவது போல் சைகை காட்டினார்கள்லி

லிமேலும், அறிவிப்பாளர் அலீ பின் அப்தில்லாஹ் அல்மதீனீ (ரஹ்) அவர்கள், ‘‘சுஃப்யான் பின் உயைனா (ரஹ்) அவர்கள் யிசாய்ந்தபடி’ என்னும் வார்த்தையை ஒரேயொரு முறைதான் சொல்லக் கேட்டேன்” என்று கூறுகிறார்.லி

மூசா (அலை) அவர்கள், ‘‘இந்த சமுதாயத்தாரிடம் நாம் வந்து (உணவுகேட்டு)ம் அவர்கள் நமக்கு உணவளிக்கவும் இல்லை; விருந்துபசாரம் செய்யவு மில்லை (அவ்வாறிருந்தும்) வேண்டுமென்றே நீங்கள் அவர்களுடைய சுவரைச் செப்பனிட்டுள்ளீர்கள். நீங்கள் விரும்பியிருந்தால் அதற்குக் கூலி வாங்கியிருக்கலாம்” என்றார்கள். களிர் (அலை) அவர்கள், ‘‘இதுதான் நானும் நீங்களும் பிரிய வேண் டிய நேரம். உங்களால் பொறுமையாக இருக்க முடியாத விஷயங்களின் விளக் கத்தை நான் உங்களுக்கு (இப்போது) அறி வித்துவிடுகிறேன்” என்று கூறினார்கள்.

லிநபி (ஸல்) அவர்கள், யிமூசா (அலை) அவர்கள் பொறுமையாக இருந்திருக்க வேண்டும் என்று நாம் விரும்பினோம். அவ்வாறிருந்தால், அல்லாஹ் அவ்விரு வரின் நிகழ்ச்சிகள் பற்றி (இன்னும் நிறைய) எடுத்துரைத்திருப்பான்’ என்று சொன்னார்கள். அறிவிப்பாளர் சுஃப்யான் பின் உயைனா (ரஹ்) அவர்கள்கூறினார்கள்: ‘‘மூசா பொறுமையாக இருந்திருப்பாரே யானால் அவ்விருவர் பற்றி(ய நிறைய செய்திகள்) நமக்கு அறிவிக்கப்பட்டிருக் கும்” என்று நபி (ஸல்) அவர்கள் கூறி னார்கள்.

இப்னு அப்பாஸ் (ரலி) அவர்கள், ‘‘அவர்களுக்கு முன்னே ஒரு மன்னன் ஆளும் பகுதி இருந்தது. அவன் ஒவ்வொரு பழுதில்லாத ஒழுங்கான மரக்கலத்தையும் நிர்பந்தமாக அபகரித்துக்கொண்டிருந்தான். மேலும், அந்தச் சிறுவனுடைய விஷயம் என்னவெனில், அவன் இறைமறுப்பாள னாக இருந்தான் (கான காஃபிரன்). அவனுடைய தாய் தந்தையர் இறைநம்பிக்கை யாளர்களாக இருந்தனர்” என்று கூறினார்கள்.

அறிவிப்பாளர் அலீ பின் அப்தில்லாஹ் அல்மதீனீ (ரஹ்) அவர்கள் கூறுகிறார் கள்: பிறகு சுஃப்யான் பின் உயைனா (ரஹ்) அவர்கள் என்னிடம், ‘‘அம்ர் பின் தீனார் (ரஹ்) அவர்கள் இப்படி ஓதுவதை இரண்டு முறை கேட்டு நான் அதை அவர்களிடமிருந்து ம”ம் செய்திருக்கிறேன்.

சுஃப்யான் பின் உயைனா (ரஹ்) அவர்களிடம், ‘‘இதை அம்ர் பின் தீனார் (ரஹ்) அவர்களிடமிருந்து நீங்கள் ம”ம் செய்தீர்களா? அல்லது அம்ர் பின் தீனாரிடமிருந்து கேட்பதற்கு முன்பு வெறெந்த மனிதரிடமிருந்தாவது அதை ம”ம் செய்தீர்களா?” என்று கேட்கப்பட்டது. அதற்கு அவர்கள், ‘‘வேறெவரிட மிருந்து இதை நான் ம”ம் செய்வேன்? அம்ர் பின் தீனாரிடமிருந்து அதை என்னைத் தவிர வேறெவராவது அறிவித் திருக்கிறார்களா? அவரிடமிருந்து இரண்டு அல்லது மூன்று முறை நான் செவியுற்று அதை ம”ம் செய்திருக்கிறேன்” என்று சொன்னார்கள். 81


அத்தியாயம் : 60

பாடம் 28
3403. அல்லாஹ்வின் தூதர் (ஸல்) அவர்கள் கூறினார்கள்:

இஸ்ரவேலர்களுக்கு, ‘‘(ஊருக்குள் நுழையும்போது) அதன் வாசலில், சிரம் தாழ்த்தியவாறும் யிஹித்தத்துன்’ (யிபாவமன்னிப்புக் கோருகிறோம்’) என்று சொல்லியவாறும் நுழையுங்கள்” என்று கட்டளையிடப்பட்டது. ஆனால், அவர்கள் (யிஹித்தத்துன்’ என்னும் சொல்லை யிஹின்தத்துன்’லிகோதுமை என்று) மாற்றி விட்டார்கள்; தங்கள் புட்டங்களால் தவழ்ந்தபடி (ஊருக்குள்) நுழைந்தார்கள்; மேலும், தீட்டப்படாத ஒரு கோதுமைக்குள் ஒரு தானிய வித்து என்று சொன்னார் கள்.82

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 60

பாடம் 28
3405. அப்துல்லாஹ் பின் மஸ்ஊத் (ரலி) அவர்கள் கூறியதாவது:

நபி (ஸல்) அவர்கள் ஒருமுறை (போரில் கிடைத்த பொருட்களைப்) பங்கிட் டார்கள். அப்போது ஒருமனிதர், ‘‘நிச்சயம் இது அல்லாஹ்வின் திருப்தி நாடப்படாத பங்கீடாகும்” என்று (அதிருப்தியுடன்) கூறினார். நான் நபி (ஸல்) அவர்களிடம் சென்று அதைத் தெரிவித்தேன். (அதைக் கேட்டு) அவர்கள் கோபமடைந்தார்கள். எந்த அளவுக்கென்றால் கோப(த்தின் அடையாள)த்தை நான் அவர்களின் முகத்தில் கண்டேன்.

பிறகு, ‘‘மூசா (அலை) அவர்களுக்கு அல்லாஹ் கருணை புரிவானாக! இதை விட மிக அதிகமாக அவர் புண்படுத்தப் பட்டார்; இருப்பினும் அவர் (பொறுமை யுடன்) சகித்துக்கொண்டார்” என்று சொன் னார்கள்.84

அத்தியாயம் : 60

பாடம் : 30 (அல்லாஹ் கூறுகின்றான்:) மூசா தம் சமூகத்தாரிடம், ‘‘ஒரு பசுவை அறுக்குமாறு அல்லாஹ் உங்களுக்கு ஆணையிடுகின்றான்” என்று கூறியதை எண்ணிப்பாருங்கள். (2:67) அது ஒரு பசு; அது கிழடுமல்ல; கன்றுமல்ல; அவ்விரண்டுக்கும் இடைப்பட்டது (அவான்). (2:68) அது ஒரு மஞ்சள் பசு; அதன் நிறம் பளீரென்று (ஃபாகிஉன்) இருக்கும். (2:69) அது ஒரு பசு; அது நிலத்தை உழுதோ பயிருக்கு நீர் இறைத்தோ பழக்கப்பட்டது (தலூல்) அல்ல; குறைகள் இல்லாதது (முசல்லமா); அதில் வடு (ஷியத்) ஏதும் கிடையாது. (2:71) தலூல்: வேலை செய்து தளர்ந்தது; உழவு, இறவை போன்ற பணிகள் செய்யக் கூடியது. ஷியத்: சொட்டை. ஸஃப்ராஉ: மஞ்சள்; அல்லது கறுப்பு எனலாம். யிஜிமாலாத்துன் ஸுஃப்ர்’ (77:33) என்பதற்கு, கறுப்பு ஒட்டகங்கள் எனப் பொருள் கூறப்படுவதைப்போல். ஒரு மனிதரைக் கொலை செய்துவிட்டு, அது குறித்து நீங்கள் தர்க்கம் செய்து கொண்டிருந்ததை (இத்தாரஃத்தும்) எண்ணிப்பாருங்கள். (2:72) பாடம் : 31 மூசா (அலை) அவர்களின் இறப் பும் அதன்பின் அவர்களை நினைவுகூர்தலும்
3407. அபூஹுரைரா (ரலி) அவர்கள் கூறியதாவது:

யிமலக்குல் மவ்த்’ (உயிரை எடுத்துச் செல்ல வரும் வானவர்) மூசா (அலை) அவர்களிடம் அனுப்பப்பட்டார். தம்மிடம் அவர் வந்தபோது மூசா (அலை) அவர்கள் அவரை (முகத்தில்) அறைந்துவிட்டார்கள். உடனே அவர் தம் இறைவனிடம் திரும் பிச் சென்று, ‘‘மரணத்தை விரும்பாத ஓர் அடியாரிடம் என்னை நீ அனுப்பிவிட் டாய்” என்று கூறினார். இறைவன், ‘‘நீ அவரிடம் திரும்பிச் சென்று அவரது கையை ஒரு காளை மாட்டின் முதுகின் மீது வைக்கச் சொல். (அதன் முதுகிலுள்ள முடிகளில் எந்த அளவுக்கு) அவரது கரம் மூடுகின்றதோ (அதில்) ஒவ்வொரு முடிக்குப் பகரமாக ஓர் ஆண்டு (இந்த உலகில் வாழ) அவருக்கு அனுமதி உண்டு (என்று சொல்.)” எனக் கூறினான்.

(அவ்வாறே அந்த வானவர் திரும்பிச் சென்று மூசா (அலை) அவர்களிடம் கூறியபோது) அவர், ‘‘இறைவா! (அத்தனை காலம் வாழ்ந்து முடிந்த) பிறகு என்ன நடக்கும்?” என்று கேட்டார்கள். இறைவன், ‘‘மரணம்தான்” என்று பதிலளித்தான். மூசா (அலை) அவர்கள், ‘‘அப்படியென்றால் இப்போதே என் உயிரை எடுத்துக்கொள்” என்று கூறிவிட்டு, (பைத்துல் மக்திஸ் என்னும்) புனித பூமிக்கு நெருக்கமாக அங்கிருந்து கல்லெறியும் தூரத்தில் தம் அடக்கத்தலம் அமைந்திடச் செய்யுமாறு அல்லாஹ்விடம் வேண்டினார்கள்.

(இதை எடுத்துரைத்தபோது) அல்லாஹ் வின் தூதர் (ஸல்) அவர்கள், ‘‘நான் அங்கு (பைத்துல் மக்திஸில்) இருந்திருந்தால் சாலையோரமாகச் செம்மணற்குன்றின் கீழே அவரது மண்ணறை இருப்பதை உங்களுக்குக் காட்டியிருப்பேன்” என்று கூறினார்கள்.85

இந்த ஹதீஸ் இரு அறிவிப்பாளர்தொடர்களில் வந்துள்ளது.


அத்தியாயம் : 60

பாடம் : 30 (அல்லாஹ் கூறுகின்றான்:) மூசா தம் சமூகத்தாரிடம், ‘‘ஒரு பசுவை அறுக்குமாறு அல்லாஹ் உங்களுக்கு ஆணையிடுகின்றான்” என்று கூறியதை எண்ணிப்பாருங்கள். (2:67) அது ஒரு பசு; அது கிழடுமல்ல; கன்றுமல்ல; அவ்விரண்டுக்கும் இடைப்பட்டது (அவான்). (2:68) அது ஒரு மஞ்சள் பசு; அதன் நிறம் பளீரென்று (ஃபாகிஉன்) இருக்கும். (2:69) அது ஒரு பசு; அது நிலத்தை உழுதோ பயிருக்கு நீர் இறைத்தோ பழக்கப்பட்டது (தலூல்) அல்ல; குறைகள் இல்லாதது (முசல்லமா); அதில் வடு (ஷியத்) ஏதும் கிடையாது. (2:71) தலூல்: வேலை செய்து தளர்ந்தது; உழவு, இறவை போன்ற பணிகள் செய்யக் கூடியது. ஷியத்: சொட்டை. ஸஃப்ராஉ: மஞ்சள்; அல்லது கறுப்பு எனலாம். யிஜிமாலாத்துன் ஸுஃப்ர்’ (77:33) என்பதற்கு, கறுப்பு ஒட்டகங்கள் எனப் பொருள் கூறப்படுவதைப்போல். ஒரு மனிதரைக் கொலை செய்துவிட்டு, அது குறித்து நீங்கள் தர்க்கம் செய்து கொண்டிருந்ததை (இத்தாரஃத்தும்) எண்ணிப்பாருங்கள். (2:72) பாடம் : 31 மூசா (அலை) அவர்களின் இறப் பும் அதன்பின் அவர்களை நினைவுகூர்தலும்
3409. அல்லாஹ்வின் தூதர் (ஸல்) அவர்கள் கூறினார்கள்:

ஆதம் (அலை) அவர்களும் மூசா (அலை) அவர்களும் தர்க்கம் செய்துகொண்டார்கள். ஆதமிடம் மூசா (அலை), ‘‘உங்கள் தவறு உங்களைச் சொர்க்கத்திலிருந்து வெளியேற்றியதே அந்த ஆதம் நீங்கள்தானோ?” என்று கேட்டார்கள். அதற்கு ஆதம் (அலை) மூசா (அலை) அவர்களிடம், ‘‘நீங்கள் அல்லாஹ், தன் தூதுத்துவச் செய்திகளை அனுப்பிடவும் தன்னுடன் உரையாடவும் தேர்ந்தெடுத்துக்கொண்ட மூசா ஆவீர். இருந்தும், நான் படைக்கப்படுவதற்கு முன்பே என்மீது விதிக்கப்பட்ட ஒரு விஷயத்திற்காக என்னை நீங்கள் பழிக்கிறீர்களே!” என்று கேட்டார்கள்.

‘‘இதைக் கூறியபின் அல்லாஹ்வின் தூதர் (ஸல்) அவர்கள், யிஆக, ஆதம் (அலை) அவர்கள் விவாதத்தில் மூசா (அலை) அவர்களை வென்றுவிட்டார்கள்’ என்று இருமுறை சொன்னார்கள்” என இந்த நபிமொழியை அறிவிக்கும் அபூ ஹுரைரா (ரலி) அவர்கள் கூறுகிறார் கள்.


அத்தியாயம் : 60

பாடம் : 32 உயர்ந்தோன் அல்லாஹ் கூறுகின்றான்: அல்லாஹ் ஃபிர்அவ்னுடைய மனைவியை இறைநம்பிக்கையாளர்களுக்கான உதாரணமாகக் கூறுகின்றான். ஒருமுறை அவர், ‘‘என் அதிபதியே! எனக்காக உன்னிடம் சொர்க்கத்தில் ஓர் இல்லத்தை அமைத்துக்கொடுப்பாயாக! ஃபிர்அவ்னிட மிருந்தும் அவனது (தீய) செயலிலிருந்தும் என்னைக் காப்பாற்றுவாயாக! அக்கிரமம் புரியும் சமுதாயத்தாரிடமிருந்தும் என்னைக் காப்பாற்றுவாயாக!” என்று அவர் பிரார்த்தித்தார்.88 மேலும், இம்ரானின் மகள் மர்யமை (மற்றொரு) உதாரணமாக எடுத்துக்காட்டு கிறான். அவர் தம் வெட்கத்தலத்தைப் பாதுகாத்துக்கொண்டார். பிறகு நாம் நம்மிடமிருந்து ஆவியை அவருக்குள் ஊதினோம். மேலும், அவர் தம் இறைவ னின் அறிவுரைகளையும் அவனுடைய வேதங்களையும் உண்மையென ஏற்றுக் கொண்டார். மேலும், அவர் கீழ்ப்படிந்து வாழ்பவர்களில் ஒருவராயும் இருந்தார். (66:11, 12)
3411. அல்லாஹ்வின் தூதர் (ஸல்) அவர்கள் கூறினார்கள்:

ஆண்களில் பலர் முழுமைபெற்றிருக் கிறார்கள். பெண்களில் ஃபிர்அவ்னின் துணைவியார் ஆசியாவையும் இம்ரானின் மகள் மர்யமையும் தவிர வேறெவரும் முழுமைபெறவில்லை. மற்றப் பெண்களை விட ஆயிஷாவுக்குள்ள சிறப்பு எல்லா வகை உணவுகளைவிடவும் ‘ஸரீத்’89 உணவுக்குள்ள சிறப்பைப் போன்றதாகும்”

இதை அபூமூசா (ரலி) அவர்கள் அறிவிக்கிறார்கள்

அத்தியாயம் : 60

பாடம் : 33 (அல்லாஹ் கூறுகின்றான்:) காரூன் மூசாவின் சமுதாயத்தைச் சேர்ந்தவனாயிருந்தான்.90 அவன் தன் சமூகத்திற்கு எதிராக எல்லைமீறி நடந்தான். நாம் அவனுக்கு எந்த அளவுக்கு செல்வக் கருவூலங்களை வழங்கியிருந்தோமெனில், அவற்றின் சாவிகளை பலசாலிகளின் ஒரு குழுவால்கூட சிரமப்பட்டுத்தான் தூக்க முடியும். ஒரு தடவை அவனுடைய சமூகத்தார் அவனிடம், ‘‘நீ மமதை கொள் ளாதே! ஏனெனில், மமதை கொள்வோரை அல்லாஹ் நேசிப்பதில்லை” என்று கூறினர். (28:76) இதில் யிசிரமப்பட்டும் தூக்குதல்’ என்ப தைக் குறிக்க மூலத்தில் யிதனூஉ’ எனும் சொல் ஆளப்பட்டுள்ளது. இதற்கு யிபளு வானது’ என்பது பொருளாகும். இப்னு அப்பாஸ் (ரலி) அவர்கள் கூறுகிறார்கள்: பலசாலிகளால்கூட (உலில் குவ்வா) தூக்குவது சிரமம் என்றால், சதாரணமான வர்களின் குழுவால் தூக்கவே முடியாது என்று அர்த்தம். மமதை கொள்வோர் லிஃபரிஹீன். இதற்கு யிபூரிப்படைவோர்’ என்பது சொற்பொருள். இங்கு கர்வம் கொள்வோர் (மரிஹீன்) என்பதே பொருளாகும். அல்லாஹ், தான் நாடியவருக்குத் தாராளமாக வாழ்வாதாரத்தை வழங்குகிறான்; அளந்தும் கொடுக்கின்றான் என்பது தெரியாதா? (28:82) இதில் யிவைக்க’ என்பது யிதெரியாதா’ (அலம் தர) என்பதைப் போன்றதாகும். பாடம் : 34 உயர்ந்தோன் அல்லாஹ் கூறுகின்றான்: யிமத்யன்’ மக்களுக்கு அவர்களின் சகோதரர் ஷுஐபை (தூதராக) நாம் அனுப்பினோம். (7:85; 11:84; 29:36)91 யிமத்யனுக்கு’ (இலா மத்யன) என்றால், மத்யன்வாசிகளுக்கு என்பதே பொரு ளாகும். ஏனெனில், யிமத்யன்’ என்பது ஊரின் பெயராகும். ‘‘நாங்கள் தங்கியிருந்த ஊரிடமும் (ஊர்க்காரர்களிடமும்) எங்களுடன் வந்த ஒட்டகக் கூட்டத்திடமும் (ஒட்டகக் கூட்டத் தாரிடமும்) கேட்டுப் பார்ப்பீராக!” (12:82) எனும் வசனம் இதற்கு உதாரணமாகும். நீங்கள் அவனை உங்கள் முதுகுக்குப் பின்னால் (வராஅகும் ழிஹ்ரிய்யன்) எறிந்துவிட்டீர்களே! (11:92) அதாவது அவன் பக்கம் நீங்கள் திரும்பிப் பார்க்கவில்லை. ஒருவர் தேவை களை நிறைவேற்றத் தவறும்போது, என் தேவையை முதுகுக்குப் பின்னால் போட்டு விட்டீர்கள் என்று கூறுவது (அரபியரின்) வழக்கம். ஏதேனும் ஒரு பிராணியை, அல்லது பையை உதவிக்கு எடுத்துச் செல்வதற்கு யிழஹ்ரீ’ என்பர். என் சமூகத்தாரே! உங்கள் போக்கில் (அலா மகானத்திகும்) நீங்கள் செயல்படுங் கள் (11:93). அதாவது உங்கள் இடத்தில் (மகான்) நீங்கள் இருங்கள். (அதற்கு முன்னர்) அவர்கள் அவ்வூரில் வசித்திராதவர்களை (லம் யஃக்னவ்) போன்று ஆயினர். (11:95) பாவிகளான இம்மக்களுக்காக நீர் கவலைப்படாதீர் (லா தஃச) (5:26). (ஏக இறையை) மறுத்த மக்களுக்காக எவ்வாறு நான் அனுதாபப்படுவேன்? (ஆசா). (7:93) ஹசன் அல்பஸ்ரீ (ரஹ்) அவர்கள் கூறுகிறார்கள்: ‘‘நிச்சயமாக நீர் பெரிய மனுதுக்காரர் தான்; மிகவும் நல்ல மனிதர்தான்” (11:87). இதை அவர்கள் ஷுஐப் (அலை) அவர் களைக் கேலி செய்வதற்காகவே கூறி னார்கள். முஜாஹித் (ரஹ்) அவர்கள் கூறு கிறார்கள்: ‘அய்கா’ (தோப்பு)வாசிகள் இறைத்தூதர் களை ஏற்க மறுத்தனர் (26:176). இதை யிலைகா’ என்றும் வாசித்துள்ளனர். (மேகத்தால்) நிழலிடப்பட்ட நாளின் வேதனை லிஅதாவது மேகம் நிழலிட்டு அவர்களின் மீதான வேதனைலி அவர்களைத் தாக்கியது. (26:189) பாடம் : 35 உயர்ந்தோன் அல்லாஹ் கூறுகின்றான்: நிச்சயமாக, யூனுஸ் இறைத்தூதர்களில் ஒருவராய் இருந்தார். அவர் நிரம்பிய ஒரு கப்பலை நோக்கி ஓடிய நேரத்தை நினைவுகூருங்கள். பிறகு, சீட்டுக் குலுக்கலில் கலந்துகொண்டார். அதில் அவர் (கடலில்) எறியப்பட வேண்டிய வரானார். இறுதியில் மீன் ஒன்று அவரை விழுங்கியது. அவரோ (தம்மைத்தாமே) நொந்துகொண்டவராய் இருந்தார். (37:139லி142)92 முஜாஹித் (ரஹ்) அவர்கள் கூறுகிறார்கள்: யிநொந்துகொண்டவர்’ என்பதைக் குறிக்க மூலத்தில் யிமுலீம்’ எனும் சொல் ஆளப்பட்டுள்ளது. இதற்கு யிகுற்றமிழைத்தவர்’ (முத்னிப்) என்பது பொருள். யிநிரம்பியது’ (மஷ்ஹூன்) என்பதற்கு யிபயணிகளால் நிரம்பியது’ என்று பொருள். ‘‘அவர் (நம்மை) துதிக்காமல் இருந் திருந்தால், அவர்கள் எழுப்பப்படும் நாள்வரை அந்த மீனின் வயிற்றில் தங்கி யிருப்பார். பின்னர் அவரை நோயுற்றவராக வெட்டவெளியில் (அராஉ) எறிந்தோம். அவர்மீது சுரைக்கொடியை முளைக்கச் செய்தோம்.” (37:143லி146) அதாவது அடித்தண்டு இல்லாத சுரைக்காய் போன்றவற்றின் கொடியை முளைக்கவைத்தோம். ‘‘அவரை ஒரு லட்சம் அல்லது (அதைவிட) அதிகமானோருக்கு (தூதராக) அனுப்பினோம். அவர்கள் இறை நம்பிக்கைகொண்டனர்; குறிப்பிட்ட காலம்வரை அவர்களுக்கு வசதிகளை வழங்கினோம்”. (37:147, 148) ‘‘மீன்காரரை (யூனுஸை)ப் போன்று நீர் (அவசரக்காரராக) ஆகிவிடாதீர். அவர் துக்கம் நிறைந்தவராக (மக்ழூம்) (நம்மை) அழைத்தார்.” (68:48) துக்கத்தால் (கழீம்) அவருடைய (யஅகூப்) இரு கண்களும் வெளுத்துப் போயின. (12:84)
3413. இப்னு அப்பாஸ் (ரலி) அவர்கள் கூறியதாவது:

‘‘நான் யூனுஸ் பின் மத்தாவைவிடச் சிறந்தவன் என்று (என்னைப் பற்றி) கூறுவது எந்த மனிதருக்கும் தகாது” என்று நபி (ஸல்) அவர்கள் கூறினார்கள். (யியூனுஸ் பின் மத்தா’லிமத்தாவின் மகன் யூனுஸ் என்று) யூனுஸ் (அலை) அவர்களை அவர்களுடைய தந்தையுடன் இணைத்து நபி (ஸல்) அவர்கள் குறிப்பிட்டார்கள்.


அத்தியாயம் : 60

பாடம் : 33 (அல்லாஹ் கூறுகின்றான்:) காரூன் மூசாவின் சமுதாயத்தைச் சேர்ந்தவனாயிருந்தான்.90 அவன் தன் சமூகத்திற்கு எதிராக எல்லைமீறி நடந்தான். நாம் அவனுக்கு எந்த அளவுக்கு செல்வக் கருவூலங்களை வழங்கியிருந்தோமெனில், அவற்றின் சாவிகளை பலசாலிகளின் ஒரு குழுவால்கூட சிரமப்பட்டுத்தான் தூக்க முடியும். ஒரு தடவை அவனுடைய சமூகத்தார் அவனிடம், ‘‘நீ மமதை கொள் ளாதே! ஏனெனில், மமதை கொள்வோரை அல்லாஹ் நேசிப்பதில்லை” என்று கூறினர். (28:76) இதில் யிசிரமப்பட்டும் தூக்குதல்’ என்ப தைக் குறிக்க மூலத்தில் யிதனூஉ’ எனும் சொல் ஆளப்பட்டுள்ளது. இதற்கு யிபளு வானது’ என்பது பொருளாகும். இப்னு அப்பாஸ் (ரலி) அவர்கள் கூறுகிறார்கள்: பலசாலிகளால்கூட (உலில் குவ்வா) தூக்குவது சிரமம் என்றால், சதாரணமான வர்களின் குழுவால் தூக்கவே முடியாது என்று அர்த்தம். மமதை கொள்வோர் லிஃபரிஹீன். இதற்கு யிபூரிப்படைவோர்’ என்பது சொற்பொருள். இங்கு கர்வம் கொள்வோர் (மரிஹீன்) என்பதே பொருளாகும். அல்லாஹ், தான் நாடியவருக்குத் தாராளமாக வாழ்வாதாரத்தை வழங்குகிறான்; அளந்தும் கொடுக்கின்றான் என்பது தெரியாதா? (28:82) இதில் யிவைக்க’ என்பது யிதெரியாதா’ (அலம் தர) என்பதைப் போன்றதாகும். பாடம் : 34 உயர்ந்தோன் அல்லாஹ் கூறுகின்றான்: யிமத்யன்’ மக்களுக்கு அவர்களின் சகோதரர் ஷுஐபை (தூதராக) நாம் அனுப்பினோம். (7:85; 11:84; 29:36)91 யிமத்யனுக்கு’ (இலா மத்யன) என்றால், மத்யன்வாசிகளுக்கு என்பதே பொரு ளாகும். ஏனெனில், யிமத்யன்’ என்பது ஊரின் பெயராகும். ‘‘நாங்கள் தங்கியிருந்த ஊரிடமும் (ஊர்க்காரர்களிடமும்) எங்களுடன் வந்த ஒட்டகக் கூட்டத்திடமும் (ஒட்டகக் கூட்டத் தாரிடமும்) கேட்டுப் பார்ப்பீராக!” (12:82) எனும் வசனம் இதற்கு உதாரணமாகும். நீங்கள் அவனை உங்கள் முதுகுக்குப் பின்னால் (வராஅகும் ழிஹ்ரிய்யன்) எறிந்துவிட்டீர்களே! (11:92) அதாவது அவன் பக்கம் நீங்கள் திரும்பிப் பார்க்கவில்லை. ஒருவர் தேவை களை நிறைவேற்றத் தவறும்போது, என் தேவையை முதுகுக்குப் பின்னால் போட்டு விட்டீர்கள் என்று கூறுவது (அரபியரின்) வழக்கம். ஏதேனும் ஒரு பிராணியை, அல்லது பையை உதவிக்கு எடுத்துச் செல்வதற்கு யிழஹ்ரீ’ என்பர். என் சமூகத்தாரே! உங்கள் போக்கில் (அலா மகானத்திகும்) நீங்கள் செயல்படுங் கள் (11:93). அதாவது உங்கள் இடத்தில் (மகான்) நீங்கள் இருங்கள். (அதற்கு முன்னர்) அவர்கள் அவ்வூரில் வசித்திராதவர்களை (லம் யஃக்னவ்) போன்று ஆயினர். (11:95) பாவிகளான இம்மக்களுக்காக நீர் கவலைப்படாதீர் (லா தஃச) (5:26). (ஏக இறையை) மறுத்த மக்களுக்காக எவ்வாறு நான் அனுதாபப்படுவேன்? (ஆசா). (7:93) ஹசன் அல்பஸ்ரீ (ரஹ்) அவர்கள் கூறுகிறார்கள்: ‘‘நிச்சயமாக நீர் பெரிய மனுதுக்காரர் தான்; மிகவும் நல்ல மனிதர்தான்” (11:87). இதை அவர்கள் ஷுஐப் (அலை) அவர் களைக் கேலி செய்வதற்காகவே கூறி னார்கள். முஜாஹித் (ரஹ்) அவர்கள் கூறு கிறார்கள்: ‘அய்கா’ (தோப்பு)வாசிகள் இறைத்தூதர் களை ஏற்க மறுத்தனர் (26:176). இதை யிலைகா’ என்றும் வாசித்துள்ளனர். (மேகத்தால்) நிழலிடப்பட்ட நாளின் வேதனை லிஅதாவது மேகம் நிழலிட்டு அவர்களின் மீதான வேதனைலி அவர்களைத் தாக்கியது. (26:189) பாடம் : 35 உயர்ந்தோன் அல்லாஹ் கூறுகின்றான்: நிச்சயமாக, யூனுஸ் இறைத்தூதர்களில் ஒருவராய் இருந்தார். அவர் நிரம்பிய ஒரு கப்பலை நோக்கி ஓடிய நேரத்தை நினைவுகூருங்கள். பிறகு, சீட்டுக் குலுக்கலில் கலந்துகொண்டார். அதில் அவர் (கடலில்) எறியப்பட வேண்டிய வரானார். இறுதியில் மீன் ஒன்று அவரை விழுங்கியது. அவரோ (தம்மைத்தாமே) நொந்துகொண்டவராய் இருந்தார். (37:139லி142)92 முஜாஹித் (ரஹ்) அவர்கள் கூறுகிறார்கள்: யிநொந்துகொண்டவர்’ என்பதைக் குறிக்க மூலத்தில் யிமுலீம்’ எனும் சொல் ஆளப்பட்டுள்ளது. இதற்கு யிகுற்றமிழைத்தவர்’ (முத்னிப்) என்பது பொருள். யிநிரம்பியது’ (மஷ்ஹூன்) என்பதற்கு யிபயணிகளால் நிரம்பியது’ என்று பொருள். ‘‘அவர் (நம்மை) துதிக்காமல் இருந் திருந்தால், அவர்கள் எழுப்பப்படும் நாள்வரை அந்த மீனின் வயிற்றில் தங்கி யிருப்பார். பின்னர் அவரை நோயுற்றவராக வெட்டவெளியில் (அராஉ) எறிந்தோம். அவர்மீது சுரைக்கொடியை முளைக்கச் செய்தோம்.” (37:143லி146) அதாவது அடித்தண்டு இல்லாத சுரைக்காய் போன்றவற்றின் கொடியை முளைக்கவைத்தோம். ‘‘அவரை ஒரு லட்சம் அல்லது (அதைவிட) அதிகமானோருக்கு (தூதராக) அனுப்பினோம். அவர்கள் இறை நம்பிக்கைகொண்டனர்; குறிப்பிட்ட காலம்வரை அவர்களுக்கு வசதிகளை வழங்கினோம்”. (37:147, 148) ‘‘மீன்காரரை (யூனுஸை)ப் போன்று நீர் (அவசரக்காரராக) ஆகிவிடாதீர். அவர் துக்கம் நிறைந்தவராக (மக்ழூம்) (நம்மை) அழைத்தார்.” (68:48) துக்கத்தால் (கழீம்) அவருடைய (யஅகூப்) இரு கண்களும் வெளுத்துப் போயின. (12:84)
3415. (தொடர்ந்து) நபி (ஸல்) அவர்கள் கூறினார்கள்:

யூனுஸ் பின் மத்தா (அலை) அவர்களைவிட ஒருவர் சிறந்தவர் என்று நான் கூறமாட்டேன்.


அத்தியாயம் : 60