பாடம் : 1 ஸகாத் கடமையாக்கப்படுதல் உயர்ந்தோன் அல்லாஹ் கூறுகின்றான்: தொழுகையைக் கடைப்பிடியுங்கள்; ஸகாத் (எனும் கட்டாயக் கொடை) வழங்குங்கள். (2:43, 2:83, 2:110). இப்னு அப்பாஸ் (ரலி) அவர்கள் கூறியதாவது: “நபி (ஸல்) அவர்கள் எங்களுக்குத் தொழுகை, ஸகாத், உறவைப் பேணல், சுயமரியாதை ஆகியவற்றை (கடைப் பிடிக்குமாறு) கட்டளையிட்டார்கள்” என்று அபூசுஃப்யான் (ரலி) அவர்கள், (கிழக்கு ரோமானிய மன்னர் ஹிரக்ளீயஸிடம்) கூறியதாக என்னிடம் தெரிவித்தார்கள்.
1396. அபூஅய்யூப் அல்அன்சாரி (ரலி) அவர்கள் கூறியதாவது:

நபி (ஸல்) அவர்களிடம் ஒரு மனிதர் வந்து, “என்னைச் சொர்க்கத்தில் சேர்க்கும் ஒரு (நற்)செயலை எனக்குத் தெரிவியுங் கள்” எனக் கேட்டார். அப்போது (நபித்தோழர்கள் வியப்புற்று), “இவருக் கென்ன (ஆயிற்று)? இவருக்கென்ன (ஆயிற்று)?” என்றார்(கள்). நபி (ஸல்) அவர்கள் “இவருக்கு ஏதோ தேவை யிருக்கிறது (போலும்)!‘“ (என்று கூறிவிட்டு அவரிடம்), “நீர் அல்லாஹ்வை வழிபட வேண்டும்; அவனுக்கு எதனையும் இணையாக்கக் கூடாது; தொழுகையைக் கடைப்பிடிக்க வேண்டும்; ஸகாத் வழங்க வேண்டும்; உறவைப் பேணி நடக்க வேண்டும்” என்று கூறினார்கள்.

இந்த ஹதீஸ் மூன்று அறிவிப்பாளர் தொடர்களில் வந்துள்ளது. முதலாவது தொடரில் இடம்பெற்றுள்ள மூன்றாவது அறிவிப்பாளரின் பெயர் முஹம்மத் பின் உஸ்மான் என்பது சரியல்ல; அவரது பெயர் அம்ர் பின் உஸ்மான்தான்.


அத்தியாயம் : 24

பாடம் : 1 ஸகாத் கடமையாக்கப்படுதல் உயர்ந்தோன் அல்லாஹ் கூறுகின்றான்: தொழுகையைக் கடைப்பிடியுங்கள்; ஸகாத் (எனும் கட்டாயக் கொடை) வழங்குங்கள். (2:43, 2:83, 2:110). இப்னு அப்பாஸ் (ரலி) அவர்கள் கூறியதாவது: “நபி (ஸல்) அவர்கள் எங்களுக்குத் தொழுகை, ஸகாத், உறவைப் பேணல், சுயமரியாதை ஆகியவற்றை (கடைப் பிடிக்குமாறு) கட்டளையிட்டார்கள்” என்று அபூசுஃப்யான் (ரலி) அவர்கள், (கிழக்கு ரோமானிய மன்னர் ஹிரக்ளீயஸிடம்) கூறியதாக என்னிடம் தெரிவித்தார்கள்.
1398. இப்னு அப்பாஸ் (ரலி) அவர்கள் கூறியதாவது:

‘அப்துல் கைஸ்’ தூதுக் குழுவினர் நபி (ஸல்) அவர்களிடம் வந்து, “அல்லாஹ் வின் தூதரே! நாங்கள் ரபீஆ கோத்திரத் தைச் சேர்ந்தவர்கள். எங்களுக்கும் உங்களுக்கும் இடையே இஸ்லாத்தை ஏற்காத ‘முளர்’ கூட்டத்தார் வசிக்கிறார்கள். எனவே, போர் தடை செய்யப்பட்ட மாதங் களிலன்றி (வேறு மாதங்களில்) நாங்கள் உங்களிடம் வர முடியாது. எனவே, எங்களுக்குச் சில கட்டளைகளைக் கூறுங்கள். நாங்களும் அதைப் பின்பற்றி, எங்களுக்குப் பின்னால் தங்கிவிட்டவர் களுக்கும் அறிவிப்போம்” என்றனர்.

அதற்கு நபி (ஸல்) அவர்கள், “உங்களுக்கு நான் நான்கு விஷயங்களைக் கட்டளையிடுகிறேன்; நான்கு விஷயங்களைத் தடை செய்கிறேன். அவை: அல்லாஹ்வைத் தவிர வேறு இறைவனில்லை என்று உறுதியாக நம்புதல், -(இதைச் சொல்லும்போது ‘ஒன்று’ என) இவ்வாறு தமது கைவிரலை மடித்தார்கள்- தொழுகையைக் கடைப்பிடித்தல், ஸகாத் வழங்குதல், போரில் கிடைக்கும் பொருட்களிலிருந்து ஐந்தில் ஒரு பங்கை வழங்குதல் என்று சொன்னார்கள்.

மேலும், “மது வைத்திருந்த மண் சாடிகள், சுரைக் குடுக்கைகள், பேரீச்ச மரத்தின் அடிப்பாகத்தைக் குடைந்து தயாரித்த மரப்பீப்பாய்கள், தார் பூசப்பட்ட பாத்திரம் ஆகிய நான்கை உங்களுக்கு (தாற்காலிகமாக) நான் தடை செய்கிறேன்” என்றும் கூறி னார்கள்.

இந்த ஹதீஸ் மூன்று அறிவிப்பாளர் தொடர்களில் வந்துள்ளது.


அத்தியாயம் : 24

பாடம் : 2 ஸகாத் கொடுப்பதாக உறுதி மொழி (பைஅத்) அளித்தல் அல்லாஹ் கூறுகின்றான்: அவர்கள் பாவமீட்சி பெற்று, தொழு கையைக் கடைப்பிடித்து, ‘ஸகாத்’ வழங்கிவந்தால், அவர்களும் மார்க்கத்தில் உங்கள் சகோதரர்கள்தான். (9:11)
1401. ஜரீர் பின் அப்தில்லாஹ் (ரலி) அவர்கள் கூறியதாவது:

நான் நபி (ஸல்) அவர்களிடம், தொழு கையைக் கடைப்பிடிப்பதாகவும் ஸகாத் வழங்குவதாகவும் ஒவ்வொரு முஸ்லிமுக் கும் நன்மையையே நாடுவதாகவும் உறுதிமொழி (பைஅத்) எடுத்துக் கொண்டேன்.

அத்தியாயம் : 24

பாடம் : 3 ஸகாத்தை மறுப்பதன் குற்றம் உயர்ந்தோன் அல்லாஹ் கூறுகின்றான்: யார் பொன்னையும் வெள்ளியையும் திரட்டி வைத்துக்கொண்டு, அவற்றை இறைவழியில் செலவு செய்யாமல் இருக்கிறார்களோ அவர்களுக்கு வதைக்கும் வேதனையே உண்டு என்று (நபியே!) நீர் நற்செய்தி கூறுவீராக! அந்நாளில் அவை நரக நெருப்பில் பழுக்கக் காய்ச்சப்பட்டு, அவர்களின் நெற்றிகளிலும் விலாப்புறங்களிலும் முதுகுகளிலும் சூடு போடப்படும். “இவைதான் உங்களுக்காக நீங்கள் திரட்டிவைத்திருந்தவை. எனவே, நீங்கள் திரட்டி வைத்திருந்தவற்றை (நன்கு) சுவையுங்கள்” (என்று அவர்களிடம் சொல்லப்படும்.) (9:34, 35)
1403. அல்லாஹ்வின் தூதர் (ஸல்) அவர்கள் கூறினார்கள்:

அல்லாஹ் யாருக்கேனும் செல்வத்தை அளித்து அதற்கான ஸகாத்தை அவர் செலுத்தவில்லையாயின், (மறுமையில்) அவரது செல்வம் (தலை வழுக்கையான) கொடிய நஞ்சுடைய (கிழட்டுப்) பாம்பாக அவருக்குக் காட்சி தரும். அதற்கு (அதன் நெற்றியில்) இரு கருப்புப் புள்ளிகள் இருக்கும். மறுமை நாளில் அது (அவரது கழுத்தில் மாலையாக) சுற்றிக்கொள்ளும். பிறகு அந்தப் பாம்பு அவரது முகவாய்க் கட்டையை - அதாவது அவரது தாடை களைப் பிடித்துக்கொண்டு, “நான்தான் உனது செல்வம்; நான்தான் உனது கருவூலம்” என்று சொல்லும்.

இவ்வாறு கூறிவிட்டு, பின்வரும் இறைவசனத்தை ஓதிக்காட்டினார்கள்:

தமக்கு அல்லாஹ் வழங்கியுள்ள அருளில் கஞ்சத்தனம் செய்வோர், அது தமக்கு நல்லது என எண்ணிவிட வேண்டாம். மாறாக, அது அவர்களுக்குத் தீங்குதான். அவர்கள் எதில் கஞ்சத்தனம் செய்(து சேமித்)தார்களோ அது மறுமை நாளில் அவர்களின் கழுத்தில் சுற்றப்படும். (3:180)

இதை அபூஹுரைரா (ரலி) அவர்கள் அறிவிக்கிறார்கள்.

அத்தியாயம் : 24

பாடம் : 4 ஸகாத் கொடுக்கப்பட்ட பொருள் (சட்ட விரோத) சேமிப்பு ஆகாது. ஏனெனில், “ஐந்து ‘ஊக்கியா’க்களுக்குக் குறைந்த (வெள்ளி போன்ற) பொருட்களுக்கு ‘ஸகாத்’ செலுத்த வேண்டியதில்லை” என நபி (ஸல்) அவர்கள் கூறியுள்ளார்கள்.
1405. அல்லாஹ்வின் தூதர் (ஸல்) கூறினார்கள்:

(வெள்ளியில்) ஐந்து ‘ஊக்கியா’வுக்குக் குறைந்ததில் ஸகாத் இல்லை. ஐந்து ஒட்டகங்களுக்குக் குறைவாக இருந்தால் அவற்றில் ஸகாத் இல்லை. ஐந்து ‘வஸ்க்’ குக் குறைவான (தானியத்)தில் ஸகாத் இல்லை.2

இதை அபூசயீத் (ரலி) அவர்கள் அறிவிக்கிறார்கள்.


அத்தியாயம் : 24

பாடம் : 4 ஸகாத் கொடுக்கப்பட்ட பொருள் (சட்ட விரோத) சேமிப்பு ஆகாது. ஏனெனில், “ஐந்து ‘ஊக்கியா’க்களுக்குக் குறைந்த (வெள்ளி போன்ற) பொருட்களுக்கு ‘ஸகாத்’ செலுத்த வேண்டியதில்லை” என நபி (ஸல்) அவர்கள் கூறியுள்ளார்கள்.
1407. 1408 அஹ்னஃப் பின் கைஸ் (ரஹ்) அவர்கள் கூறியதாவது:

நான் குரைஷிப் பிரமுகர்கள் இருந்த இடத்திற்குச் சென்று அமர்ந்தேன். அப்போது பரட்டை முடியுள்ள சொர சொரப்பான ஆடையணிந்த முரட்டுத் தோற்றமுள்ள ஒரு மனிதர் அவர்களிடம் வந்து முகமன் (சலாம்) கூறிவிட்டு, “(ஸகாத் கொடுக்காமல்) பொருளைச் சேமிப்பவர் களுக்காக, நரக நெருப்பில் சூடேற்றப்பட்ட ஒரு கல் உண்டு. அக்கல் அவர்களின் மார்புக் காம்பில் வைக்கப்படும். உடனே அக்கல் தோளின் மேற்பகுதி எலும்பின் வழியாக வெளியேறும். பிறகு அது தோளின் மேற்பகுதி எலும்பில் வைக்கப் படும். உடனே அது மார்புக் காம்பின் வழியாக வெளியேறி உருண்டோடும்” என்று கூறினார்.

பிறகு திரும்பிச் சென்ற அவர் ஒரு தூணுக்கருகில் போய் உட்கார்ந்தார். நான் அவரைப் பின்தொடர்ந்து சென்று அவருக்கருகில் அமர்ந்தேன். அவர் யார் என்று எனக்கு (அப்போது) தெரியவில்லை. பிறகு நான் அவரிடம் “தாங்கள் கூறியதை மக்கள் வெறுப்பதாகவே நான் கண்டேன்” என்று சொன்னேன். அதற்கு அவர் “அவர்கள் விவரமற்றவர்கள்” எனக் கூறினார்.

“என் தோழர் என்னிடம் சொன்னார்...” என அந்தப் பெரியவர் மேலும் தொடர்ந்து, கூறும்போதே நான் (குறுக்கிட்டு) “உங்கள் தோழர் யார்?” எனக் கேட்டேன். “நபி (ஸல்) அவர்கள்தான்” எனக் கூறிவிட்டு, “நபி (ஸல்) அவர்கள், ‘அபூதர்ரே! உஹுத் மலையை நீர் பார்த்திருக்கிறீரா?’ எனக் கேட்டார்கள். தமது வேலை ஏதோ ஒன்றுக்காக அல்லாஹ்வின் தூதர் (ஸல்) அவர்கள் என்னை அங்கு அனுப்பப் போகிறார்கள் என எண்ணி, பகல் முடிய இன்னும் எவ்வளவு நேரம் உள்ளது என அறிந்துகொள்வதற்காக சூரியனைப் பார்த்துவிட்டு, ‘ஆம்’ என்றேன்.

‘உஹுத் மலையளவுக்குத் தங்கம் என்னிடம் இருந்து அதில் மூன்று தீனார் களைத் தவிர மற்ற அனைத்தையும் செலவிடாமலிருப்பதை நான் விரும்ப வில்லை’ என்று நபி (ஸல்) அவர்கள் சொன்னார்கள்.

இவர்களோ இதை அறியாதவர்களாய் இருக்கிறார்கள். இவர்கள் உலக ஆதாயங் களையே சேகரிக்கிறார்கள். அல்லாஹ் வின் மீதாணையாக! நான் அல்லாஹ்வைச் சந்திக்கும்வரை இவ்வுலகப் பொருட்களை இவர்களிடம் நான் கேட்கமாட்டேன்; மார்க்க விஷயங்களைப் பற்றியும் இவர்களிடம் தீர்ப்பு கேட்கமாட்டேன்” என்று அந்தப் பெரியவர் (அபூதர் (ரலி) அவர்கள்) கூறினார்கள்.

அத்தியாயம் : 24

பாடம் : 6 தர்மம் செய்வதில் முகஸ்துதி உயர்ந்தோன் அல்லாஹ் கூறுகின்றான்: இறைநம்பிக்கை கொண்டோரே! அல்லாஹ்வையும் இறுதி நாளையும் நம்பாமல் மனிதர்களுக்குக் காண்பிப்பதற் காகத் தனது செல்வத்தைச் செலவு செய்பவனைப் போன்று (தர்மம் செய்த தைச்) சொல்லிக் காட்டியும் (மனதைப்) புண்படுத்தியும் உங்களின் தர்மங்களைப் பாழாக்கிவிடாதீர்கள். (2:264) இப்னு அப்பாஸ் (ரலி) அவர்கள் கூறினார்கள்: (மேற்கண்ட வசனத்தின் தொடர்ச்சியில் மூலத்தில் ‘பாறை’ என்ப தைக் குறிக்க) ‘ஸல்த்’ எனும் சொல் ஆளப் பட்டுள்ளது. இதற்கு, ‘ஒன்றும் இல்லாத வெறும் பாறை’ என்பது பொருளாகும். இக்ரிமா (ரஹ்) அவர்கள் கூறுகிறார்கள்: (‘பெருமழை’ என்பதைக் குறிக்க) ‘வாபில்’ எனும் சொல் இடம்பெறுகிறது. இதற்கு ‘கடுமையான மழை’ என்பது பொருள். (அடுத்த வசனத்தில் ‘தூறல்’ என்பதைக் குறிக்க) ‘அத்தல்’ எனும் சொல் இடம்பெறுகிறது. இதற்கு ‘சிறு துளி’ என்பது பொருள். பாடம் : 7 மோசடிப் பொருளிலிருந்து தர்மம் செய்வதை அல்லாஹ் ஏற்பதில்லை. முறையான சம்பாத்தியத்தில் கிடைத்த பொருளிலிருந்தே தவிர (வேறு வழியில் செய்யப்படும் தான தர்மத்தை) அல்லாஹ் ஏற்றுக்கொள்வதில்லை. அல்லாஹ் கூறுகின்றான்: கனிவான சொல்லும் மன்னிப்பும் தர்மம் செய்துவிட்டுப் பின்னர் புண்படுத்துவதைவிடச் சிறந்ததாகும். (2:263) பாடம் : 8 தூய்மையான வருவாயிலிருந்து தர்மம் செய்தல் அல்லாஹ் கூறுகின்றான்: தர்மங்களை (அல்லாஹ்) வளர்க்கின் றான். (தனக்கு) மாறு செய்யும் எந்தப் பாவியையும் அல்லாஹ் நேசிக்கமாட்டான். இறைநம்பிக்கை கொண்டு, நற்செயல்கள் புரிந்து, தொழுகையைக் கடைப்பிடித்து, ஸகாத்தும் கொடுத்து வருகின்றவர்களுக்கு, அவர்களுடைய இறைவனிடம் உரிய பிரதிபலன் உண்டு. அவர்களுக்கு எவ்வித அச்சமுமில்லை; அவர்கள் கவலைப்படவு மாட்டார்கள். (2:276, 277)
1410. அல்லாஹ்வின் தூதர் (ஸல்) அவர்கள் கூறினார்கள்:

யார் தூய்மையான சம்பாத்தியத்தில் ஒரு பேரீச்சம் பழத்தின் மதிப்புக்குத் தர்மம் செய்தாரோ -அல்லாஹ் தூய்மையானதைத் தவிர வேறெதையும் ஏற்றுக்கொள்வ தில்லை- அதை நிச்சயமாக அல்லாஹ் தனது வலக் கரத்தால் ஏற்றுக்கொள்கிறான். பிறகு உங்களில் ஒருவர் தமது குதிரைக் குட்டியை வளர்ப்பதைப் போன்று, அதன் நன்மையை மலைபோல் உயரும் அளவுக்கு அவருக்காக வளர்ச்சி அடை யச்செய்கிறான்.

இதை அபூஹுரைரா (ரலி) அவர்கள் அறிவிக்கிறார்கள்.

இந்த ஹதீஸ் ஆறு அறிவிப்பாளர்தொடர்களில் வந்துள்ளது.

அத்தியாயம் : 24

பாடம் : 9 மறுக்கப்படுவதற்கு முன்பு தர்மம் செய்தல்
1412. நபி (ஸல்) அவர்கள் கூறினார்கள்:

உங்களிடையே செல்வம் பெருகிக் கொழிக்காத வரை யுகமுடிவு நாள் ஏற்படாது. எந்த அளவுக்கெனில், அந்நாளில் பொருளுடையவர் தமது தர்மத்தை யார்தான் வாங்கப்போகிறார் என்று கவலை கொள்வார். யாரிடமாவது அதைக் கொடுக்க முனைந்தால், அவர் எனக்குத் தேவையில்லை என்று கூறுவார்.

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 24

பாடம் : 9 மறுக்கப்படுவதற்கு முன்பு தர்மம் செய்தல்
1414. அல்லாஹ்வின் தூதர் (ஸல்) அவர்கள் கூறினார்கள்:

நிச்சயமாக மக்களுக்கு ஒரு காலம் வரும். அப்போது ஒருவர் தர்மப் பொருளான தங்கத்தை எடுத்துக்கொண்டு அலைவார். அதை அவரிடமிருந்து பெறுவதற்கு யாரையும் அவர் காணமாட்டார். மேலும், (அப்போது) ஆண்கள் குறைந்து பெண்கள் அதிகமாவதால் ஓர் ஆணை நாற்பது பெண்கள் பின்தொடர்ந்துவந்து, அவனைச் சார்ந்திருக்கும் நிலை காணப்படும்.4

இதை அபூமூசா (ரலி) அவர்கள் அறிவிக்கிறார்கள்.

அத்தியாயம் : 24