பாடம் : 19 சஹருக்கும் ஃபஜ்ர் தொழுகைக்கும் இடையே எவ்வளவு இடைவெளி இருக்க வேண்டும்?
1921. அனஸ் (ரலி) அவர்கள் கூறியதாவது:

‘‘நாங்கள் நபி (ஸல்) அவர்களுடன் சஹர் செய்தோம்; பின்னர் தொழுகைக்கு அவர்கள் எழுந்துவிட்டார்கள்” என்று ஸைத் பின் ஸாபித் (ரலி) அவர்கள் கூறினார்கள்; நான் ‘‘(ஃபஜ்ரின்) பாங்குக்கும் சஹருக்குமிடையே எவ்வளவு நேரம் இருந்தது?” என்று கேட்டேன். அதற்கு அவர்கள் ‘‘ஐம்பது வசனங்கள் (ஓதும்) அளவுக்கு (நேரம் இருந்தது)” என்று பதிலளித்தார்கள்.18

அத்தியாயம் : 30

பாடம் : 20 சஹர் செய்வதில் அருள்வளம் (பரக்கத்) இருக்கிறது; ஆனால், அது கட்டாயமில்லை. நபி (ஸல்) அவர்களும் அவர்களுடைய தோழர்களும் தொடர்நோன்பு வைத்திருக்கிறார்கள்; (அப்படித் தொடர்நோன்பு நோற்ற காலங்களில்) ‘சஹர் செய்தார்கள்’ என்று கூறப்படவில்லை.
1923. நபி (ஸல்) அவர்கள்கூறினார்கள்:

நீங்கள் சஹர் செய்யுங்கள்; நிச்சயமாக சஹர் செய்வதில் அருள்வளம் (பரக்கத்) இருக்கிறது.

இதை அனஸ் பின் மாலிக் (ரலி) அவர்கள் அறிவிக்கிறார்கள்.

அத்தியாயம் : 30

பாடம் : 22 நோன்பு நோற்பவர் பெருந்துடக்கு உள்ளவராகக் காலை நேரத்தை அடைதல்20
1925. 1926 அபூபக்ர் பின் அப்திர் ரஹ்மான் (ரஹ்) அவர்கள் கூறியதாவது:

‘‘அல்லாஹ்வின் தூதர் (ஸல்) அவர்கள் தாம்பத்திய உறவில் ஈடுபட்டு, குளியல் கடமையானவர்களாக ஃபஜ்ர் (வைகறை) நேரத்தை அடைவார்கள்; பின்னர் குளித்துவிட்டு நோன்பைத் தொடர்வார்கள்” என்று ஆயிஷா (ரலி), உம்மு சலமா (ரலி) ஆகியோர் அறிவித்ததாக அன்றைய தினம் மதீனாவின் ஆளுநராக இருந்த மர்வான் பின் அல்ஹகமிடம் என் தந்தை அப்துர் ரஹ்மான் பின் அல்ஹாரிஸ் (ரஹ்) அவர்கள் தெரிவித்தார்கள். அப்போது மர்வான் என் தந்தையிடம், ‘‘(பெருந்துடக்குடன் வைகறைப் பொழுதை அடைபவருக்கு நோன்பு கிடையாது என்று சொல்லிவரும்) அபூஹுரைராவுக்கு உறைக்கும் வண்ணம் இதை அவரிடம் நிச்சயமாக நீர் கூற வேண்டும் என அல்லாஹ்வின் மீது ஆணையிட்டுக் கூறுகிறேன்” என்று கூறினார். இதை அப்துர் ரஹ்மான் அவர்கள் விரும்ப வில்லை.

பின்னர் நாங்கள் ‘துல்ஹுலைஃபா' எனும் இடத்தில் (தற்செயலாக) சந்திக்கும் வாய்ப்பு ஏற்பட்டது. அங்கு அபூஹுரைரா (ரலி) அவர்களுக்கு ஒரு நிலம் இருந்தது; (நாங்கள் அங்கு சென்றபோது அபூஹுரைரா (ரலி) அவர்கள் அங்கே இருந்தார்கள்;) அப்துர் ரஹ்மான் அவர்கள் அபூஹுரைரா (ரலி) அவர்களிடம், ‘‘நான் உங்களிடம் ஒரு செய்தியைக் கூறவிருக் கிறேன்; மர்வான் இது தொடர்பாக சத்தியம் செய்து வற்புறுத்தியிருக்காவிட்டால், இதை நான் உங்களிடம் கூறப் போவதில்லை” என்று கூறிவிட்டு, ஆயிஷா (ரலி), உம்மு சலமா (ரலி) ஆகியோர் கூறியதை அபூஹுரைரா (ரலி) அவர்களிடம் தெரிவித்தார்.

அதற்கு அபூஹுரைரா (ரலி) அவர்கள், ‘‘இவ்வாறு (பெருந்துடக்கு உள்ளவருக்கு நோன்பு இல்லை என்று) ஃபள்ல் பின் அப்பாஸ் (ரலி) அவர்கள்தான் எனக்கு அறிவித்தார்; அவர்தான் (இதன் உண்மையை) நன்கறிந்தவர்” என்று பதிலளித்தார்கள்.

‘‘(ஃபஜ்ர் நேரத்தில் குளியல் கடமையாக இருப்பவர்) நோன்பை விட்டுவிடுமாறு நபி (ஸல்) அவர்கள் கட்டளையிட்டார்கள் என்று அபூஹுரைரா (ரலி) அவர்கள் வழியாக அறிவிக்கப்பட்டுள்ளது. ஆயினும், முந்திய (இந்த நபிமொழியின் தொடக் கத்தில் உள்ள) செய்தியே பலமான அறிவிப்பாளர்தொடருடன் உள்ளதாகும்.

அத்தியாயம் : 30

பாடம் : 24 நோன்பாளி முத்தமிடல்
1928. உர்வா பின் அஸ்ஸுபைர் (ரஹ்) அவர்கள் கூறியதாவது:

‘‘அல்லாஹ்வின் தூதர் (ஸல்) அவர்கள் நோன்பு நோற்றுக்கொண்டு தம் துணைவி யரில் ஒருவரை முத்தமிடுவார்கள்” என்று சொல்லிவிட்டு (என் சிறிய தாயார்) ஆயிஷா (ரலி) அவர்கள் சிரித்தார்கள்.

இந்த ஹதீஸ் இரு அறிவிப்பாளர்தொடர்களில் வந்துள்ளது.


அத்தியாயம் : 30

பாடம் : 25 நோன்பாளி குளிப்பது இப்னு உமர் (ரலி) அவர்கள் நோன்பு நோற்றிருந்தபோது ஒரு துணியை நனைத் துத் தம்மேல் போட்டுக்கொண்டார்கள். ஆமிர் அஷ்ஷஅபீ (ரஹ்) அவர்கள் நோன்பு நோற்றிருந்தபோது குளிய லறைக்குச் சென்றிருக்கிறார்கள். ‘‘(நோன்பாளி) சமையல் பாத்திரத்தில் உள்ளதையோ வேறு பொருளையோ ருசி பார்ப்பதில் தவறில்லை” என்று இப்னு அப்பாஸ் (ரலி) அவர்கள் கூறியுள் ளார்கள்.22 ‘‘நோன்பாளி வாய் கொப்புளிப்பதும் (வெப்பத்தைத் தணித்துக்கொள்வதற்காக) உடலைக் குளிர்விப்பதும் (தலையில் தண்ணீர் ஊற்றிக்கொள்வதும்) தவறில்லை” என்று ஹசன் அல்பஸ்ரீ (ரஹ்) அவர்கள் கூறுகிறார்கள். ‘‘உங்களில் ஒருவர் நோன்பு நோற்றால் காலையில் எண்ணெய் தடவித் தலை வாரிக் கொள்ளட்டும்!” என்று இப்னு மஸ்ஊத் (ரலி) அவர்கள் கூறினார்கள். ‘‘என்னிடம் கல்தொட்டி ஒன்று இருந்தது; நான் நோன்பு நோற்றிருக்கும்போது அதனுள் அமிழ்வேன்” என்று அனஸ் (ரலி) அவர்கள் கூறினார்கள். ‘‘நபி (ஸல்) அவர்கள் நோன்பு நோற்றிருந்தபோது பல் துலக்கினார்கள்” என்று அறிவிக்கப்பட்டுள்ளது. ‘‘பகலின் ஆரம்ப நேரத்திலும் கடைசி நேரத்திலும் நோன்பாளி பல் துலக்கலாம்; எச்சிலை விழுங்கக் கூடாது” என்று இப்னு உமர் (ரலி) அவர்கள் கூறினார்கள். ‘‘ஒருவர் தமது எச்சிலை விழுங்கினால் அவரது நோன்பு முறியும் என்று நான் கூறமாட்டேன்” என அதாஉ பின் அபீ ரபாஹ் (ரஹ்) அவர்கள் கூறுகிறார்கள். இப்னு சீரீன் (ரஹ்) அவர்கள், ‘‘ஈரமான குச்சியால் பல் துலக்குவதில் தவறில்லை” என்று கூறினார்கள். அப்போது ‘‘அதற்கு சுவை இருக்கிறதே?” என்று கேட்கப்பட்டது. அதற்கு இப்னு சீரீன் (ரஹ்) அவர்கள், ‘‘தண்ணீருக்கும்தான் சுவை இருக்கிறது; அதன் மூலம் நீர் வாய்க்கொப்புளிக் கிறீரே?” என்று கேட்டார்கள். ‘‘நோன்பாளி கண்ணில் அஞ்சனம் (சுர்மா) இடுவது தவறில்லை” என்று அனஸ் (ரலி), ஹசன் அல்பஸ்ரீ (ரஹ்), இப்ராஹீம் அந்நகஈ (ரஹ்) ஆகியோர் கூறுகின்றனர்.
1930. ஆயிஷா (ரலி) அவர்கள் கூறியதாவது:

நபி (ஸல்) அவர்கள் ரமளான் மாதத் தில் குளியல் கடமையானவர்களாக லிஉறக்க ஸ்கலிதத்தினால் அல்லலி வைகறைப் பொழுதை அடைவார்கள்; குளித்துவிட்டு நோன்பைத் தொடர் வார்கள்.

இந்த ஹதீஸ் இரு அறிவிப்பாளர்தொடர்களில் வந்துள்ளது.


அத்தியாயம் : 30

பாடம் : 26 நோன்பாளி மறதியாக உண்ணவோ பருகவோ செய்தால்..? ‘‘ஒருவர் மூக்கிற்குத் தண்ணீர் செலுத் தும்போது அவரையும் மீறி தொண்டைக் குள் தண்ணீர் சென்றுவிட்டால் தவறாகாது” என்று அதாஉ (ரஹ்) அவர்கள் கூறினார்கள். ‘‘நோன்பாளியின் தொண்டைக்குள் ஈ நுழைந்துவிட்டால், அதனால் எந்தத் தவறுமில்லை” என்று ஹசன் அல்பஸ்ரீ (ரஹ்) அவர்கள் கூறுகிறார்கள். ‘‘நோன்பாளி மறதியாக மனைவியுடன் தாம்பத்திய உறவு கொண்டுவிட்டால் அதில் எந்தத் தவறுமில்லை” என்று ஹசன் அல்பஸ்ரீ (ரஹ்), முஜாஹித் (ரஹ்) ஆகியோர் கூறுகின்றனர்.
1933. நபி (ஸல்) அவர்கள் கூறி னார்கள்:

ஒருவர் மறதியாக உண்ணவோ பருகவோ செய்தால், அவர் தமது நோன்பை முழுமைப்படுத்தட்டும்; ஏனெனில், அவரை அல்லாஹ்வே உண்ணவும் பருகவும் வைத்தான்.

இதை அபூஹுரைரா (ரலி) அவர்கள் அறிவிக்கிறார்கள்.

அத்தியாயம் : 30

பாடம் : 28 ‘‘ஒருவர் அங்கத் தூய்மை (உளூ) செய்யும்போது மூக்கிற்குள் தண்ணீர் செலுத்தட்டும்!” என்று நபி (ஸல்) அவர்கள் கூறியது இங்கு நோன்பாளி, நோன்பு நோற்காதவர் என்றெல்லாம் நபி (ஸல்) அவர்கள் வித்தியாசப்படுத்திக் கூறவில்லை. ‘‘நோன்பாளி, தொண்டைக்குள் செல்லாத வகையில் மூக்கிற்குள் சொட்டு மருந்து விட்டுக்கொள்வதில் தவறில்லை; அவர் அஞ்சனமும் (சுர்மா) இட்டுக் கொள்ளலாம்” என்று ஹசன் அல்பஸ்ரீ (ரஹ்) அவர்கள் கூறுகிறார்கள். அதாஉ பின் அபீரபாஹ் (ரஹ்) அவர்கள் கூறுகிறார்கள்: ஒருவர் வாய் கொப்புளித்து, வாயிலுள்ள தண்ணீரைத் துப்பிவிட்டால் அவரு(டைய நோன்பு)க்கு எந்தப் பாதிப்பும் இல்லை; அவர் எச்சிலை விழுங்காமல் இருக்க வேண்டும்; (அவர் தண்ணீரைத் துப்பிய பிறகு) அவரது வாயில் என்ன எஞ்சியிருக்கப்போகிறது? பிசின் (போன்ற பண்டங்)களை அவர் மெல்லக் கூடாது! ஆனால், (பிசினை மென்று) அதன் எச்சிலை விழுங்கிவிட்டால் நோன்பு முறியும் என்று நான் கூறமாட் டேன்; எனினும், அ(வ்வாறு விழுங்குவ)து தடுக்கப்பட வேண்டும்! மூக்கிற்குள் தண்ணீர் செலுத்தி மூக்கைச் சிந்தும்போது, தம்மையும் மீறி தண்ணீர் தொண்டைக்குள் நுழைந்துவிட்டால் அதில் தவறில்லை. பாடம் : 29 நோன்பாளி ரமளானில் (பகலில்) தாம்பத்திய உறவு கொண்டு விட்டால்..?23 ‘‘ஒருவர் ரமளானில் ஒரு நோன்பை, நோயோ தக்க காரணமோ இன்றி விட்டுவிட்டால், அவர் காலமெல்லாம் நோன்பு நோற்றாலும் அதற்கு ஈடாகாது” என்று நபி (ஸல்) அவர்கள் கூறியதாக அபூஹுரைரா (ரலி) அவர்கள் வாயிலாக அறிவிக்கப்படுகிறது. இவ்வாறே இப்னு மஸ்ஊத் (ரலி) அவர்களும் கூறியுள்ளார்கள். ‘‘அதற்குப் பகரமாக, அவர் வேறு ஒரு நாளில் நோன்பு நோற்க வேண்டும்” என்று சயீத் பின் அல்முசய்யப், ஷஅபீ, சயீத் பின் ஜுபைர், இப்ராஹீம் அந்நகஈ, கத்தாதா, ஹம்மாத் பின் அபீசுலைமான் (ரஹ்) ஆகியோர் கூறுகின்றனர்.
1935. ஆயிஷா (ரலி) அவர்கள் கூறியதாவது:

ஒரு மனிதர் நபி (ஸல்) அவர்களிடம் வந்து, ‘‘நான் கரிந்து போய்விட்டேன்” என்று கூறினார். நபி (ஸல்) அவர்கள் ‘‘உமக்கு என்ன நேர்ந்தது?” என்றார்கள். அவர், ‘‘ரமளானில் (நோன்பு நோற்றுக் கொண்டு பகலில்) நான் என் மனைவி யுடன் தாம்பத்திய உறவு கொண்டு விட்டேன்” என்றார்.

அப்போது நபி (ஸல்) அவர்களிடம் ‘அரக்' எனப்படும் பெரிய கூடை (நிறைய பேரீச்சம் பழம்) கொண்டுவரப்பட்டது. ‘‘கரிந்துபோனவர் எங்கே?” என்று நபி (ஸல்) அவர்கள் கேட்டார்கள். ‘‘நான்தான்” என்று அவர் கூறினார். (அந்தப் பேரீச்சம் பழத்தை அந்த மனிதரிடம் கொடுத்து,) ‘‘இதைத் தர்மம் செய்வீராக!” என்று நபி (ஸல்) அவர்கள் கூறினார்கள்.

அத்தியாயம் : 30

பாடம் : 31 ரமளானில் தாம்பத்திய உறவு கொண்டவர் அதற்குரிய பரிகாரத்தை ஏழைகளாக உள்ள தம் குடும்பத் தாருக்கே வழங்கிவிடலாமா?
1937. அபூஹுரைரா (ரலி) அவர்கள் கூறியதாவது:

ஒரு மனிதர் நபி (ஸல்) அவர்களிடம் வந்து, ‘‘(என்னைப் போன்ற) அடித்தட்டு மனிதர் ஒருவர் ரமளானில் தம் மனைவியுடன் தாம்பத்திய உறவில் ஈடுபட்டுவிட்டார் (அதற்குரிய பரிகாரம் என்ன?)” என்று கேட்டார். அதற்கு நபி (ஸல்) அவர்கள், ‘‘ஓர் அடிமையை உம்மால் விடுதலை செய்ய இயலுமா?” என்று கேட்டார்கள். அவர், ‘‘இல்லை (இயலாது)” என்றார். நபி (ஸல்) அவர்கள், ‘‘இரண்டு மாதங்கள் தொடர்ச்சியாக உம்மால் நோன்பு நோற்க இயலுமா?” என்று கேட்டார்கள். அவர், ‘‘இல்லை (இயலாது)” என்றார். அறுபது ஏழைகளுக்கு உணவளிப்பதற்குரிய பொருள் உம்மிடம் இருக்கிறதா?” என்று நபி (ஸல்) அவர்கள் கேட்க, அவர் ‘இல்லை’ என்றார்.

அப்போது நபி (ஸல்) அவர்களிடம் பேரீச்சம் பழம் நிறைந்த ‘அரக்’ எனும் பெரிய கூடை கொண்டுவரப்பட்டது. நபி (ஸல்) அவர்கள் (அவரிடம்), ‘‘இதை உமது சார்பாக வழங்குவீராக!” என்று கூறினார்கள். அதற்கு அவர், ‘‘எங்களைவிட ஏழைக்கா? மதீனாவின் இரு மலைகளுக்கிடையே எங்களைவிட அதிகத் தேவையுடைய குடும்பத்தார் வேறு யாரும் இல்லை” என்று கூறினார். ‘‘அப்படியானால் உம் குடும்பத்தாருக்கே இதை உண்ணக் கொடுத்துவிடுவீராக!” என்று நபி (ஸல்) அவர்கள் கூறினார்கள்.

அத்தியாயம் : 30